फळपिक विमाधारकांना ई-पीक पाहणी आवश्यक

फळपिक विमाधारकांना ई-पीक पाहणी आवश्यक..
जिल्हा अधिक्षक कृषी अधिकारी शंकर किरवे यांची माहिती.. 

अकोला, दि. २४ : पुनर्रचित हवामानाधारित फळपिक विमा योजनेत जिल्ह्यात युनिवर्सल सोम्पो जनरल इन्शुरन्स कंपनीमार्फत मृग बहारामध्ये डाळिंब, पेरू, मोसंबी, लिंबू, संत्रा या फळपिकांसाठी. तर अंबिया बहारात सन २०२४-२५ मध्ये केळी, डाळिंब, पपई, मोसंबी, संत्रा या फळपीकांसाठी राबविण्यात येत आहे.
योजनेत सहभागी होणा-या शेतक-यांनी ई-पीक पाहणी करणे बंधनकारक आहे. ज्या शेतक-यांनी फळपिकांचा विमा घेतलेला आहे. परंतु फळपीकांची ई – पीक पाहणी डिजीटल क्रॉप सर्वे (DCS) मोबाइल अॅपद्वारे केलेली नाही. त्यांनी दि.२५ एप्रिलपर्यंत ई-पीक पाहणी पूर्ण करावयाची आहे. अन्यथा दि. १२ जून २०२४ रोजीच्या शासन निर्णयातील तरतुदी नुसार ७/१२ उता-यावर ई-पीक पाहणीची नोंद नसलेले सर्व विमा अर्ज रद्द करण्यात येतील व फळपिक विम्याचा लाभ दिला जाणार नाही, असे जिल्हा अधिक्षक कृषी अधिकारी शंकर किरवे यांनी स्पष्ट केले आहे. 

ज्या शेतक-यांनी फळपिकांचा विमा घेतलेला आहे त्यांनी ई-पिक पाहणी डिजीटल क्रॉप सर्वे मोबाइल अॅपद्वारे दि.२५ एप्रिल,२०२५ पर्यंत पूर्ण करावी असे आवाहन जिल्हा अधिक्षक कृषि अधिकारी यांनी केले.