1 ते 7 ऑगस्ट तेल्हारा महसुल सप्ताह साजरा.

1 ते 7 ऑगस्ट तेल्हारा महसुल सप्ताह साजरा.
तेल्हारा तहसीलदार समाधान सोनवणे यांचे जनतेला आवाहन.

दिनांक 01 ते 07 ऑगष्ट 2025 या कालावधीत “महसुल सप्ताह 2025” साजरा करणेसाठी तहसील कार्यालय तर्फे जनतेला सहभाग घेवून लाभ घेण्याचे आवाहन करण्यात आले आहे.

तेल्हारा तालुक्यातील सर्व नागरिकांना महसुल विभागामार्फत दिनांक 1 ऑगस्ट, 2025 रोजी “महसूल दिन” व दिनांक 1 ते 7 ऑगस्ट, 2025 या कालावधीत आयोजित “महसुल- सप्ताह-2025” राबविण्यात येणार आहे. त्या अनुषंगाने तहसिल कार्यालय तेल्हाराच्या वतीने विविध कार्यक्रमाचे आयोजन करण्यात आलेले आहे त्यामध्ये –

दिनांक 1 ऑगस्ट – “महसुल दिन साजरा करणे व महसुल सप्ताह शुभारंभ” तसेच “महसुल संवर्गातील कार्यरत / सेवानिवृत्त अधिकारी/कर्मचारी संवाद उत्कृष्ट अधिकारी / कर्मचारी पुरस्कार वितरण व मान्यवरांच्या हस्ते लाभार्थ्यांना विविध प्रमाणपत्र वितरण समारंभ”

2 ऑगस्ट – “शासकीय जागेवर सन 2011 पुर्वीपासुन रहिवासी प्रयोजनार्थ अतिक्रमण असलेल्या कुटूंबापैकी अतिक्रमण नियमानुकुल करण्यास पात्र असलेल्या कुटूंबाना सदर अतिक्रमीत जागांचे पट्टे वाटप करणे बाबत कार्यक्रम”.,

3 ऑगस्ट- “पाणंद/ शिवरस्त्यांची मोजणी करुन त्यांच्या दुतर्फा झाडे लावणे”.,

4 ऑगस्ट – “छत्रपती शिवाजी महाराज महाराजस्व अभियान प्रत्येक मंडळनिहाय राबविणे”

5 ऑगस्ट – “विशेष सहाय्य योजनेतील डीबीटी न झालेल्या लाभार्थ्याना घरभेटी करुन डीबीटी करुन अनुदानाचे वाटप करणे”

6 ऑगस्ट – “शासकीय जमीनीवरील अतिक्रमणे निष्कासित करणे व त्या अतिक्रमणमुक्त करणे तसेच शर्तभंग झालेल्या जमिनीबाबत शासन धोरणानुसार (नियमानुकुल करणे/ सरकारजमा करणे) निर्णय घेणे”

7 ऑगस्ट – “M-Sand धोरणाची अंमलबजावणी करणे व नवीन मानक कार्यप्रणालीप्रमाणे (SOP प्रमाणे) धोरण पूर्णत्वास नेणे आणि महसुल सप्ताह सांगता समारभ”
तरी तेल्हारा तालुक्यातील सर्व नागरीकांनी “महसुल सप्ताह-2025” च्या अनुषंगाने आयोजित करण्यात आलेल्या कार्यक्रमाचा लाभ घ्यावा असे आवाहन तहसीलदार समाधान सोनवणे यांनी याव्दारे केले आहे.