तेल्हारा तालुक्यातील 61 ग्रामपंचायत सरपंचपदांचे आरक्षण जाहीर.

तेल्हारा तालुक्यातील 61 ग्रामपंचायत सरपंचपदांचे आरक्षण जाहीर.
तहसीलदार समाधान सोनवणे यांची माहिती.

तेल्हारा तालुक्यातील २०२५ ते २०३० दरम्यान मुदत संपणाऱ्या ग्रामपंचायतींच्या सरपंच पदांचे प्रवर्गनिहाय आरक्षण ९ जुलै २०२५ रोजी तहसील कार्यालय तेल्हारा येथे सोडत काढून जाहीर करण्यात आले असल्याची माहिती तहसीलदार समाधान सोनवणे यांनी पत्रका व्दारे दिली आहे

अकोला जिल्ह्यातील सात तालुक्यातील २०२५ ते २०३० दरम्यान मुदत संपणाऱ्या ग्रामपंचायत चे यापूर्वी ६ मे २०२५ रोजी आरक्षण जाहीर केले होते मात्र ग्रामविकास विभागाने नव्याने आरक्षण निश्चित करण्यात आल्याची अधिसूचना प्रसिध्द केली गेल्याने पुन्हा ९ जुलै रोजी आरक्षण निश्चित करण्यात आले. जिल्हाधिकारी अजित कुंभार यांनी अध्यादेश जारी केले होते त्यानुसार तहसीलदार तेल्हारा समाधान सोनवणे यांनी तेल्हारा तालुक्यातील 61 ग्रामपंचायत चे आरक्षण सोडत तहसील कार्यालयात दि. 9 जुलै रोजी उपस्थितांचे हजेरीत जाहीर केले व त्याचे प्रसिद्धी पत्रकात सुद्धा काढले आहे.