जिल्हा परिषद व पंचायत समिती मध्ये स्विकृत सदस्य निवडण्याची मागणी. चंद्रशेखर बावनकुळे महसूल मंत्री,महाराष्ट्र राज्य यांचे पत्र.

जिल्हा परिषद व पंचायत समिती मध्ये स्विकृत सदस्य निवडण्याची मागणी.
चंद्रशेखर बावनकुळे महसूल मंत्री,महाराष्ट्र राज्य यांचे पत्र.

जिल्हा परिषद पंचायत समिती निवडणुकांतर्गत जिल्हा परिषदेतील ०५ व पंचायत समितीमधील ०२ सदस्यांची स्वीकृत सदस्य म्हणून नेमणूक करण्यासाठी अधिनियमात सुधारणा करण्याबाबत चे पत्र चंद्रशेखर प्रभावती कृष्णराव बावनकुळे मंत्री, महसूल, महाराष्ट्र राज्य यांनी महाराष्ट्र राज्य मुख्यमंत्री देवेंद्र फडणवीस यांच्या कडे दिले आहे.
ग्रामीण स्तरावर सक्रिय कार्य करणाऱ्या कार्यकर्त्यांना योग्य प्रतिनिधित्व आणि संधी मिळावी या दृष्टिकोनातून, विद्यमान महाराष्ट्र जिल्हा परिषद आणि पंचायत समिती अधिनियमामध्ये सुधारणा करणे आवश्यक आहे.
सदर अधिनियमातील तरतुदींनुसार स्वीकृत सदस्यांची नियुक्ती करता येते. परंतु सध्याच्या धोरणानुसार ह्या संधी मर्यादित स्वरूपात उपलब्ध आहेत. त्यामुळे, राज्य शासनाने सदर अधिनियमानुसार सुधारणा करून जिल्हा परिषदेसाठी ०५ (पाच) व पंचायत समितीसाठी ०२ (दोन) स्वीकृत सदस्य नेमण्याची तरतूद करावी, अशी विनंती केली आहे.
यामुळे समाजाभिमुख कार्य करणाऱ्या, परंतु निवडणूक लढविण्याची क्षमता नसलेल्या पात्र कार्यकर्त्यांना विकास प्रक्रियेत सहभागी होण्याची संधी उपलब्ध होईल, तसेच स्थानिक स्वराज्य संस्थांचा कारभार अधिक प्रभावी व सर्वसमावेशक होईल.
आपण याबाबत सकारात्मक निर्णय घेऊन कार्यकर्त्यांना योग्य प्रतिनिधित्वाची संधी उपलब्ध करून देण्याकामी उपरोक्त सुधारणेबाबत संबंधितांना सूचना देण्यात याव्यात असेही नमुद पत्रात विनंती केली आहे.