नरनाळा महोत्सवात निसर्ग पर्यटनावर विविध कार्यक्रमाचा घेतला जात आहे लाभ, नरनाळा महोत्सवी विशेष बससेवा.

नरनाळा महोत्सवात निसर्ग पर्यटनावर विविध कार्यक्रमाचा घेतला जात आहे लाभ, नरनाळा महोत्सवी विशेष बससेवा.

अकोला : एस. टी. महामंडळातर्फे अकोला, बाळापूर आणि मुर्तिजापूर येथून नरनाळा निसर्ग पर्यटन महोत्सवाच्या पोपटखेड येथील मुख्य कार्यक्रमस्थळी जाण्यासाठी विशेष बससेवा सुरू करण्यात आली आहे.  या तिन्ही शहरांत एस. टी. स्थानकातून आज व उद्या (१६ व १७) दु. 4 वा. विशेष गाड्या सोडल्या जातील. 

महोत्सवात निसर्ग पर्यटनावर आधारित विविध उपक्रमांचे आयोजन करण्यात आले आहे. महोत्सवाचे तिन्ही दिवस सकाळी 6 ते सायंकाळी 6 दरम्यान ट्रेकिंग, जंगल सफारी, बोटिंग, नरनाळा किल्ला सफारी असे निसर्गपर्यटनाधारित कार्यक्रम होतील. 

दि. 16 फेब्रुवारी रोजी कार्यक्रम –

दि. 16 फेब्रुवारी रोजी सकाळी 7 वाजता महिला व पुरूषांसाठी ‘मॅरेथॉन- संवर्धनासाठी धाव’ , चित्रकला स्पर्धा व दु. २ वाजता शहानूर येथे पाक कला स्पर्धे, वन्यजीव छायाचित्रण स्पर्धा आयोजन करण्यात आले होते यामध्ये मोठा सहभाग दिसला.

सांस्कृतिक कार्यक्रमांची पर्वणी – महोत्सवात प्रत्येक दिवशी सांस्कृतिक कार्यक्रम सायं. 5 ते रा. 10 वा. दरम्यान होणार आहेत.

 दि. 16 फेब्रुवारीला ‘शिवशंभो गर्जना टीम’कडून सादरीकरण., इंडियन आयडॉल विनर सलमान अली ‘लाईव्ह इन कॉन्सर्ट’ सादरीकरण. 

दि. 17 फेब्रुवारी रोजी कार्यक्रम –

महोत्सवात दि. 17 फेब्रुवारीला सकाळी 10 वाजता भव्य कवीसंमेलन व मुशायरा होणार आहे. दु. 2 वा. ‘इन्व्हेस्टर्स मीट’ होणार असून, पर्यटन क्षेत्रातील संधींबाबत गुंतवणूकदारांना मार्गदर्शन करण्यात येईल. सायं. 7 वा. पद्मश्री कैलाश खेर यांची ‘लाईव्ह इन कॉन्सर्ट’ होणार आहे. 

निसर्ग संवर्धनाबाबत जनजागृती करणे व मानव आणि पर्यावरण यांच्यातील नाते दृढ करणे हा महोत्सवाचा प्रमुख हेतू आहे. ऐतिहासिक महात्म्य लाभलेला नरनाळा किल्ला व मेळघाटचे समृद्ध जंगल हे अकोला जिल्ह्याचे गौरवस्थान आहे. महोत्सवात अधिकाधिक निसर्गप्रेमी नागरिकांनी सहभागी व्हावे, असे आवाहन जिल्हाधिकारी वर्षा मीना, उपवनसंरक्षक राहूलसिंह टोलिया व जिल्हा प्रशासनातर्फे करण्यात आले आहे.