अल्प भूधारक शेतकऱ्याच्या दोन मुली शासकीय सेवेत दाखल., सम्यक फाउंडेशन तेल्हारा कडून मुलीचा सत्कार. जिजाऊ सावित्री रमाई वाचल्यानेच मुली शासकीय सेवेत दाखल होत आहेत- माजी पोलीस उपनिरीक्षक निखाडे यांचे प्रतिपादन. 

अल्प भूधारक शेतकऱ्याच्या दोन मुली शासकीय सेवेत दाखल., सम्यक फाउंडेशन तेल्हारा कडून मुलीचा सत्कार. जिजाऊ सावित्री रमाई वाचल्यानेच मुली शासकीय सेवेत दाखल होत आहेत- माजी पोलीस उपनिरीक्षक निखाडे यांचे प्रतिपादन.

तेल्हारा तालुक्यातील पाथर्डी येथील मूळ रहिवासी तथा इंदिरानगर येथे राहत असलेले अल्प भूधारक शेतकरी, तेल्हारा तहसील कार्यालयात वाईंडर श्रीराम भाऊराव मोहोड यांच्या दोन्ही मुली सारिका श्रीराम मोहोड -( स्टाफ नर्स ) ग्रामीण रुग्णालय भडगाव जिल्हा जळगाव खा. तर सुचिता श्रीराम मोहोड – एम आय डी सी मध्ये भूमापक (महाराष्ट्र शासन) यांची निवड झाली. त्या जिद्द, चिकाटी, सतत अभ्यास वृत्तीच्या जोरावर शासकीय सेवेत दाखल झाले आहेत. आपल्या आई वडिलांच्या शिकवणी प्रमाणे त्यांनी शिक्षण घेऊन हे यश प्राप्त केले आहे. वडील हे शेतमजुरी करतात. त्यातून आपल्या मुलींना घडविले त्यामुळे त्यांचे सर्वत्र कौतुक होत आहे. त्यांच्या या यशाने इतर मुलींना एक आदर्श मिळाला आहे.

दोन्ही मुली व वडील यांचा सम्यक फाउंडेशन तेल्हारा कार्यालयात यथोचित सन्मान करण्यात आला. प्रमुख उपस्थिती म्हणून लाभलेले माजी पोलीस उपनिरीक्षक निखाडे यांच्या हस्ते शाल श्रीफळ पुष्पगुच्छ देऊन स्वागत करण्यात आले. यावेळी त्यांनी आपल्या भाषणात बोलताना म्हणाले की जिजाऊ सावित्री आणि रमाई आणि शिव शाहू फुले आंबेडकर वाचल्यानेच मुली हे आपल्या यश प्राप्त करत आहेत तरी बहुजन मुला-मुलींनी शिक्षणाची कास धरून स्पर्धा परीक्षेच्या माध्यमातून मोठे यश प्राप्त करता येते आणि मोक्याच्या जागा पटकावून त्यातून सर्वसामान्य नागरिकांना न्याय देता येते असे मत त्यनी व्यक्त केले. यावेळी श्रीराम मोहोळ, आनंद बोदडे, रवी बाभूळकर, सम्यक फाउंडेशन चे अध्यक्ष पंकज भारसाकळे इत्यादी उपस्थित होते. 

आम्ही सर्व मुलींनी एक सांगेल की संविधान ने दिलेल्या अधिकाराने आणि आई वडिलांनी दिलेल्या स्वातंत्र्याचा शिक्षणात फायदा घेऊन आपले ध्येय गाठता येते त्यामुळे सर्व मुलीनि स्पर्धा परीक्षेची तयारी करावी….   कु सारीका मोहोड,             कु सुचिता मोहोड