घोडेगाव शाळेत शालेय साहित्य वाटप.,श्री. संत गाडगे महाराज आश्रम शाळा श्री क्षेत्र नागरवाडी यांचा उपक्रम. 

घोडेगाव शाळेत शालेय साहित्य वाटप.,श्री. संत गाडगे महाराज आश्रम शाळा श्री क्षेत्र नागरवाडी यांचा उपक्रम. 

तेल्हारा येथून जवळच असलेल्या घोडेगाव येथील जि. प. मराठी शाळेत श्री. संत गाडगे महाराज आश्रम शाळा श्री क्षेत्र नागरवाडी यांच्या वतीने बापूसाहेब देशमुख, नितीन दळवी, सागर देशमुख यांच्या सौजन्याने व मा. प्राचार्य अण्णासाहेब ढोले व प्रा. भैय्यासाहेब देशमुख यांच्या सहकार्याने विद्यार्थ्यांना शालेय साहित्य वाटप करण्यात आले. या साहित्यात लेटरबूक्स, ड्रॉईंग वही, पेन, स्केच पेन तथा इतर शालापयोगी साहित्याचा समावेश होता. सदर छोटेखानी कार्यक्रमाचे अध्यक्ष शाळा व्यवस्थापन समितीचे अध्यक्ष सुभाष कवळे होते तर प्रमुख अतिथी कृषी उत्पन्न बाजार समिती तेल्हाराचे उपसभापती प्रा. प्रदिप ढोले, अतुल ढोले माजी सभापती पं. स. तेल्हारा, मिलिंद दांडगे, पंकज पाटील ढोले, गणेश ढोले, नासिर मामू, राजेश ताथोड, दिपक दुधाट, रितेश दुधाट, ई. प्रमुख पाहुण्यांची उपस्थिती होती. सर्वप्रथम संत गाडगे बाबा यांच्या प्रतिमेचे पूजन करण्यात आले व प्रमुख पाहुण्यांची समायोजित भाषणे झाली.

कार्यक्रमाचे सूत्रसंचालन अविनाश भारसाकडे सर, प्रास्ताविक मुख्याध्यापक दिपक दही तर आभार प्रदर्शन विकास दामोदर यांनी मानले. कार्यक्रमाच्या यशस्वीतेकारिता मुख्याध्यापक दिपक दही सरांच्या मार्गदर्शनात सर्व शिक्षक वृंद विद्यार्थी विद्यार्थिनी तथा गजानन गोठकडे यांनी अथक परिश्रम घेतले.