तेल्हारा तालुक्यामध्ये दि, 17 सप्टेंबर 2025 ते राष्ट्रपिता महात्मा गांधी यांची जयंती दि, 2 ऑक्टोंबर 2025 या कालावधीमध्ये सेवा पंधरवाडा.
पांदण रस्ते, पायी रस्ते, अशा अनेक महत्त्वाच्या बाबीची होणार अंमलबजावणी तहसिलदार समाधान सोनवणे यांची माहिती.
तेल्हारा तालुक्यामध्ये दि, 17 सप्टेंबर 2025 ते राष्ट्रपिता महात्मा गांधी यांची जयंती दि, 2 ऑक्टोंबर 2025 या कालावधीमध्ये सेवा पंधरवाडा.
पांदण रस्ते, पायी रस्ते, अशा अनेक महत्त्वाच्या बाबीची होणार अंमलबजावणी तहसिलदार समाधान सोनवणे यांची माहिती.
महसूल व वन विभागाचे शासन निर्णयान्वये अकोला मा. जिल्हाधिकारी श्रीमती वर्षा मीना, व अकोटचे उपविभागीय अधिकारी मनोज लोणारकर यांच्या मार्गदर्शनाखाली छत्रपती शिवाजी महाराज महाराजस्व अभियान अंतर्गत राष्ट्रनेता पंतप्रधान माननीय नरेंद्रजी मोदी यांचे जन्मदिन दि, 17 सप्टेंबर 2025 ते राष्ट्रपिता महात्मा गांधी यांची जयंती दि, 2 ऑक्टोंबर 2025 या कालावधीमध्ये तेल्हारा तालुक्यात सेवा पंधरवाडा साजरा करण्यात येणार आहे.
पंधरवाड्यात पहिल्या टप्प्यामध्ये दि, 17 ते 22 सप्टेंबर पर्यंत पांदण_रस्ते, ग्रामीण भागात जाण्याचे गाडी मार्ग व पायीमार्ग, शेतावर जाण्याचे मार्ग या रस्त्याचे सिमांकन करणे व त्यांना विशिष्ट क्रमांक देणे बाबतची कार्यपद्धती निश्चित करण्यात आलेल्या दि. 29 ऑगस्ट 2025 च्या शासन निर्णयाची प्रभावी अंमलबजावणी करण्यात येणार आहे.
तेल्हारा तालुक्यातील सर्व 108 गावांमध्ये या अभियान अंतर्गत तेल्हारा तालुक्यातील प्रत्येक गावातील ग्राम महसूल अधिकारी, ग्राम सेवक, महसूल सेवक व त्यागावचे पोलीस पाटील यांच्या मदतीने स्थानिक नागरिकासह गाव नकाशावर उपलब्ध असलेले वापरात असलेले परंतु गाव नकाशावर नसलेले तसेच शिवरस्ते अशा सर्व प्रकारच्या रस्त्याची दि. 10 सप्टेंबर 2025 पासून पाहणी करून नोंदणी करण्यासाठी शिवार फेरी आयोजित करण्यात आलेली आहे.
सदर यादी तयार झाल्यानंतर गावनिहाय तयार करण्यात आलेली रस्त्याची प्राथमिक यादी दि. 15 सप्टेंबर रोजी होणाऱ्या ग्रामसभेमध्ये सर्व ग्रामस्थांच्या माहितीसाठी व ग्राम सभेच्या मान्यतेसाठी ठेवण्यात येईल, सभेच्या मान्यतेनंतर अंतिम झालेल्यानुसार भूमी अभिलेख विभागामार्फत सीमांकन करून अतिक्रमण असल्यास ते निष्कासित करून प्रत्येक रस्त्याला विशिष्ट सांकेताक कोड देण्यात येईल त्याच्या नोंदी सातबारा निस्तारपत्रक, अर्ज, गाव नमुना नंबर, 1 (फ) मध्ये घेण्यात येतील.
तरी तेल्हारा तालुक्यातील सर्व शेतकऱ्यांनी या अभियानामध्ये शिवार फेरी मध्ये सहभाग नोंदवुन आपल्या शेतीशी संबंधित सर्व प्रकारचे पांदण शेती रस्त्याची पाहणी करून नोंदी करून घ्याव्यात सिमांकन व विशिष्ट क्रमांक प्राप्त करून घ्यावेत, असे याद्वारे समाधान सोनवणे तहसीलदार तेल्हारा यांची माहिती आहे.