श्री गौतमेश्वर महादेव संस्थानतर्फे भागवत कथेचे आयोजन. महाशिवरात्रीला भरणार भव्य यात्रा.

श्री गौतमेश्वर महादेव संस्थानतर्फे भागवत कथेचे आयोजन. महाशिवरात्रीला भरणार भव्य यात्रा.

तेल्हारा : श्री गौतमेश्वर महादेव संस्थान, तेल्हारा यांच्या वतीने महाशिवरात्री निमित्त भक्तीमय वातावरणात शिवपुराण भागवत कथेचे आयोजन करण्यात आले आहे. या पवित्र कथेचे प्रवचन प.पू. ह.भ.प. रामदास महाराज जंजाळ (वाचस्पती) यांच्या सुमधुर वाणीतून सुरू असून महादेवाच्या मंदिरासमोर गौतमा नदीच्या तीरावर दि.१५ फेब्रुवारीला महाशिवरात्रीला भव्य यात्रा भरणार आहे.

     हा सात दिवसीय कार्यक्रम सोमवार दिनांक ९ फेब्रुवारी पासून सुरू झाला असून सोमवार दिनांक १६ फेब्रुवारी ला समाप्त होणार आहे भागवत कथेच्या माध्यमातून भक्तांना अध्यात्म, संस्कार व नैतिक मूल्यांचे मार्गदर्शन मिळत आहे.

 कार्यक्रमाची सांगता सोमवार दिनांक १६ फेब्रुवारी रोजी महाप्रसादाने होणार असून दुपारी १२ ते ३ या वेळेत महाप्रसादाचे आयोजन करण्यात आले आहे.भागवत कथेचा लाभ घेण्यासाठी सर्व भाविक भक्तांनी उपस्थित राहावे, असे आवाहन श्री गौतमेश्वर महादेव संस्थानतर्फे करण्यात आले आहे.