लाडकी बहीण योजनेचा घोड थांबता थांबेना,

लाडकी बहीण योजनेचा घोड थांबता थांबेना. 
 पुराव्या सह तक्रार दिल्या नंतरही होत नाही कागदपत्राची पडताळणी. 

तेल्हारा दि :- विधानसभा निवडणुकीपूर्वी शासनाने लाडकी बहिण योजना घोषित करून घाई गडबडी मध्ये अर्ज स्वीकारले परंतु काही अर्जांमध्ये त्रुट्या असून सुद्धा त्याची पडताळणी न केल्यामुळे अनेक घोड झाले त्यापैकी तेल्हारा येथील एका महिलेने रजिस्ट्रेशन केले अर्ज मंजूर झाला परंतु त्या पात्र महिलेचे अनुदान तेल्हारा तालुक्यातील वडगाव रोठे येथील महिलेच्या खात्यावर गेल्यामुळे सदर पात्र लाभार्थी महिलेला अनुदानापासून वंचित राहावे लागत आहे त्यामुळे त्यांनी या बाबतची तक्रार संबंधित यंत्रणे कडे पुराव्या सह करून सुद्धा लाडकी बहीण योजनेमधील घोळ थांबला नाही.
लाडकी बहीण योजनेअंतर्गत तेल्हारा शहरातील एका महिलेने रजिस्ट्रेशन केल्यानंतरही सुद्धा त्या महिलेच्या खात्यात सदर योजनेचे अनुदान आले नसून लाभ मिळाला नाही तर ज्या महिलेचे रजिस्ट्रेशन सुद्धा झाले नाही महिलेने अर्ज केला नाही त्या तेल्हारा तालुक्यातील वडगाव रोठे येथिल महिलेच्या खात्यात सदर योजनेचे अनुदान जमा झाले असल्याची तक्रार तेल्हारा येथील पात्र लाभार्थी महिलेने केली आहे अर्जाची पडताळणी न झाल्यामुळे संबंधित यंत्रणेच्या चुकीमुळे एका पात्र महिलेचे अनुदान वडगाव रोठे येथील महिलेच्या युनियन बँक इंडियाच्या खात्यात जमा होत असल्याचे पुरावे तक्रार अर्जासोबत सादर करण्यात आले होते परंतु संबंधित यंत्रणेने अर्जाची पडताळणीस केली नसल्यामुळे हा घोळ अद्याप पर्यंत सुरू अल्याचे सुद्धा निष्पन्न झाले आहे तेल्हारा येथील महिला लाडकी बहीण योजनेअंतर्गत पात्र लाभार्थी असून सुद्धा सदर महिलेच्या खात्यामध्ये एकही हप्ता जमा झाला नाही त्यामुळे या योजनेच्या अनुदानापासून मी वंचित असून झालेली चूक शासनाने दुरुस्ती करून मला या योजनेचा लाभ देण्यात यावा अशा प्रकारची तक्रार करण्यात आली होती परंतु तक्रारीची दखल घेण्यात आली नसल्याचे दिसून येत 
पुरावा दिल्यानंतरही यंत्रणेने घेतली नाही दखल…..
लाडकी बहीण योजनेअंतर्गत संबंधित यंत्रणेकडून झालेला घोळ ,चुका त्याची पडताळणी करण्यात यावी या करिता तेल्हारा येथील महिलेने जिल्हाधिकारी अकोला , जिल्हा महिला व बालविकास अधिकारी अकोला ,तहसीलदार तेल्हारा व एकात्मिक बाल विकास प्रकल्प अधिकारी तेल्हारा यांच्याकडे पुराव्यासह झालेली चूक दुरुस्ती करण्याबाबत अर्ज केला होता परंतु त्याची दखल घेण्यात आली नसल्याचे दिसून आले असून सदर विषयाबाबत घोळ सुरूच असल्याचे निष्पन्न होत आहे. आता वरिष्ठ संबंधित यंत्रणा याबाबत काय निर्णय घेते याकडे सर्वांचे लक्ष लागले असून पात्र लाभार्थी अनुदानापासून वंचित राहू नये अशी मागणी होत आहे.